თიკა აბაშიძე: ბათუმის საზოგადოებას იუბილეზე ანგარიში წარვუდგინეთ
„ახლახან დაარსებიდან ორი წლის იუბილე აღვნიშნეთ და მასზე მოწვეულ სტუმრებს ჩვენ მიერ განხორციელებული პროექტების შესახებ მოვუთხრეთ“, — განუცხადა „Sputnik–საქართველოს“ თიკა აბაშიძემ.
თიკა აბაშიძე არასამთავრობო ორგანიზაცია „იალქანის“ დამფუძნებელია. ორგანიზაცია ბათუმში მოქმედებს და სოციალურად დაუცველ ოჯახებს ეხმარება. ორგანიზაციამ წელს ახალი პროექტი „ქუჩის ბავშვები“ წამოიწყო და ჯანდაცვის სამინისტროსთან უკვე შეთანხმებას მიაღწიეს, რათა ბათუმში კრიზისული თავშესაფარი გახსნან.
