სომხეთის საბავშვო კოლექტივებმა ბათუმში სომხეთის ეროვნული ცეკვები და სიმღერები შეასრულეს. იხილეთ "Sputnik-საქართველოს" ვიდეო, თუ როგორ ჩატარდა კონცერტი ღია ცის ქვეშ.
ბათუმში "სურბ პრკიჩის" ეკლესიის ტერიტორიაზე სომხეთის საბავშვო მუსიკალური და მოცეკვავე კოლექტივების კონცერტი გაიმართა. გამოსვლები ორგანიზებული იყო ბათუმის სომხური თემის მიერ. კონცერტში მონაწილეობა მიიღეს რამდენიმე სკოლის კოლექტივებმა: ჯივანის სახელობის მომღერალთა ანსამბლმა, უჯანის მოცეკვავეთა ანსამბლმა, ცეკვის საბავშვო სტუდიების "ჰაი-არტ" და "სომხეთი" წარმომადგენლებმა, ასევე მოცეკვავეთა ანსამბლმა "მილაგრო".
