სუპერთასის მფლობელის ვინაობას ერთმანეთს შორის გაარკვევენ ჩემპიონთა ლიგის გამარჯვებული მადრიდის „რეალი“ და ევროპის მნიშვნელობით მეორე საფეხბურთო ტურნირის გამარჯვებული ინგლისის „მანჩესტერ იუნაიტედი“.
ესპანეთის კლუბი თავისი არსებობის ისტორიაში უეფას სუპერთასისთვის მეექვსედ იბრძოლებს. ხუთ მატჩში „რეალმა“ მარცხი ორჯერ იწვნია — 1998 წელს ლონდონის „ჩელსისთან“ და 200 წელს სტამბულის „გალათასარაისთან“, სამჯერ კი გამარჯვებული გახდა — 2002 წელს ჰოლანდიის „ფეიენოორდთან“, 2014 და 2016 წლებში ესპანეთის „სევილიასთან“.
„მანჩესტერ იუნაიტედს“ უეფას სუპერთასზე ნაკლები თამაში აქვს ჩატარებული. მათთვის აღნიშნული მატჩი კლუბის ისტორიაში მეოთხეა. 1991 წელს გუნდმა სერბეთის ნაკრები დაამარცხა, თუმცა, 1999 და 2008 წლებში რომის „ლაციოსთან“ და ლენინგრადის „ზენიტთან“ დამარცხდა.
უეფას სუპერთასზე გამარჯვებების მიხედვით რეკორდსმენები ესპანეთის „ბარსელონა“ და იტალიის „მილანი“ არიან. ორივე კლუბის ანგარიშზე 5-5 გამარჯვებაა. ამასთან, „ბარსელონამ“ ფინალში ცხრაჯერ, „მილანმა“ კი შვიდჯერ ითამაშა.
უეფას სუპერთასი პირველად 1972 წელს გაიმართა და მისი პირველი თასის მფლობელი ამსტერდამის „აიაქსი“ გახდა, რომელმაც შოტლანდიის “გლაზგო რეინჯერსი“ დაამარცხა.