თბილისი, 3 ივლისი — Sputnik. საფრანგეთის სამხრეთით, ქალაქ ავინიონში მეჩეთის მახლობლად მომხდარი სროლის შედეგად 8 ადამიანი დაიჭრა — იტყობინება საინფორმაციო სააგენტო РИА Новости სააგენტო „ფრანს–პრესზე“ დაყრდნობით.
ინფორმაციის თანახმად, თოფითა და პისტოლეტით შეიარაღებული ორი თავდამსხმელი შემთხვევის ადგილზე ავტომანქანით მივიდა და ცეცხლი გაუხსნა მეჩეთიდან გამომავალ ხალხს.
Omg this is today??
— Kellsjanna 😳 (@kborut123) 3 июля 2017 г.
სროლის შედეგად, სულ მცირე, რვა ადამიანი დაზარალდა, მათ შორის შვიდი წლის ბავშვი. თავდამსხმელები შემთხვევის ადგილიდან მიიმალნენ.
პოლიციაში მომხდარს არ განიხილავენ როგორც ტერაქტს. ვარაუდობენ, რომ თავდასხმის მიზეზი, შესაძლოა, ახალგაზრდებს შორის კონფლიქტი ყოფილიყო.