თბილისი, 30 ივნისი — Sputnik. მოსკოვსა და მოსკოვის ოლქში კოკისპირული წვიმა ძლიერი ქარით და სეტყვით მოვიდა, იუწყება РИА Новости.
მოსკოვის ოლქის დმიტროვსკის რაიონში მეხის დაცემით მამაკაცი გარდაიცვალა.
ჯანდაცვის დეპარტამენტის მონაცემებით, მოსკოვში ძლიერი წვიმის გამო სამედიცინო დაწესებულებას ერთმა ადამიანმა მიმართა. მისი მდგომარეობა მძიმე არ არის, მას სათანადო სამედიცინო დახმარება აღმოუჩინეს.
На Москву.#Москва #ураган #шторм #ливень pic.twitter.com/S6Vz5Re7jS
— Valery Ax (@Valery_Ax) 30 июня 2017 г.
მოსკოვსა და მოსკოვის ოლქში ელჭექმა 4 ათასი ადამიანი ელექტრომომარაგების გარეშე დატოვა.
ძლიერი ქარის გამო, სადგურ „ბელოკამენნაიას“ რკინიგზის ხაზზე ელექტროსადენს ხე დაეცა.
სერვის „იანდექსის“ მონაცემებით, მოსკოვის აეროპორტებში 40 ავიარეისი გადაიდო, სამი გაუქმდა.
Одинцово, м-н Новая Трехгорка😂#БегиНеОглядывайся pic.twitter.com/XtjH8c3aTI
— ŁØŁØ (@Maxi_Sar) 30 июня 2017 г.
საგანგებო სიტუაციების სამინისტროს მონაცემებით, დედაქალაქში მოსალოდნელია წვიმა, ელჭექი, სეტყვა და ძლიერი ქარი (წამში 15-20 მეტრის სიჩქარით). ასეთი ამინდი 1 ივლისამდე შენარჩუნდება. მოსახლეობას ურჩევენ გამოიჩინონ სიფრთხილე, სარეკლამო ბანერებს და ძველ შენობებს გვერდი აუარონ, და გამოდარებას, შესაძლებლობისდაგვარად, შენობაში დაელოდონ.
პარასკევს, „მოსვოდოსტოკის“ 370 ბრიგადაზე მეტი მუშაობის გაძლიერებულ რეჟიმზე გადაიყვანეს. ეს არის 1100-ზე მეტი თანამშრომელი და 293 ერთეული ტექნიკა.
Постепенно уплывает пол города, в том числе Трехгорка https://t.co/Y8FOBd3wVg pic.twitter.com/ilk7tkeOkl
— Типичное Одинцово (@odi_city) 30 июня 2017 г.
როგორც ხუთშაბათს ამინდის ცენტრ „ფობოსში“ აცხადებდნენ, ძლიერმა ტროპიკულმა კოკისპირულმა წვიმამ, რომელიც მოსკოვში პარასკევს მოვიდა, ზოგიერთი მაჩვენებლით 50 წლის წინ დაფიქსირებულ რეკორდს შეიძლება გადააჭარბოს და მოსკოველებს ძველი აღთქმიდან მსოფლიო წარღვნის შესახებ სტრიქონები გაახსენოს.
