ბაირახტარი: გადაჭარბებულია თქმა, რომ საქართველოში ბიზნესს არანაირი პრობლემა არ აქვს
„ბიზნესის რეგისტრაციის სიმარტივის თვალსაზრისით, საქართველო ერთ-ერთი მოწინავეა მსოფლიოში, თუმცა, თავი რომ მოვიწონოთ მხოლოდ ამით და ვთქვათ, რომ საქართველოში ბიზნესს არანაირი პრობლემა არა აქვს, ცოტა გადაჭარბებული იქნება“, — აღნიშნა პაატა ბაირახტარმა „Sputnik-საქართველოსთან“ საუბრისას.
„ბიზნესის კეთების მიხედვით საუკეთესო ევროპული ქვეყნების 2017 წლის რეიტინგში", რომელიც დამოუკიდებელმა არასამთავრობო ორგანიზაცია European Chamber-მა მოამზადა, საქართველო 46 ქვეყანას შორის მე-20 ადგილზეა. საქართველოს მაჩვენებლები წინა წელთან შედარებით ოთხი პუნქტით არის გაუმჯობესებული, ხოლო რეგიონში კი უსწრებს ყველა მეზობელს — სომხეთს, თურქეთს, რუსეთსა და აზერბაიჯანს.
