თბილისი, 28 ივნისი — Sputnik. თბილისის მეტროს სადგურ „ავლაბარში“ დაუდგენელი პირის მიერ დატოვებულ საეჭვო საგანს ახლა გამნაღმველები ამოწმებენ, იუწყება საინფორმაციო სააგენტო Новости-Грузия საქართველოს შსს-ს პრეს-სამსახურზე დაყრდნობით.
შეტყობინება საეჭვო ნივთის შესახებ რამდენიმე წუთის წინ შევიდა საგანგებო სიტუაციების მართვის ცენტრში „112“.
„შემოვიდა შეტყობინება საეჭვო საგანზე. ადგილზე გამოცხადებული პოლიცია პერიმეტრს იცავს. მუშაობენ გამნაღმველები“, — განუცხადა სააგენტოს პრეს-სამსახურის წარმომადგენელმა.
ამ დროისათვის მეტროს სადგურის მიმდებარე ტერიტორია შემოსაზღვრულია.
