ქართველი „მისტერ შარმი" Dolce&Gabbana-ს ჩვენებაში მიიღებს მონაწილეობას

© AFP 2024 / GIUSEPPE CACACEDolce&Gabbana-ს ჩვენება
Dolce&Gabbana-ს ჩვენება - Sputnik საქართველო
გამოწერა
ქართველი მოდელი Dolce&Gabbana-ს ახალ კოლექციას წარმოადგენს.

თბილისი, 22 ივნისი — Sputnik. ქართველმა მოდელმა გიგა ლაზარეიშვილმა საყოველთაოდ ცნობილი ბრენდ Dolce&Gabbana-ს წარმომადგენლების ყურადღება მიიპყრო და ის ნოემბერში გამართულ ჩვენებაზე მოდის სახლის ახალ კოლექციას წარმოადგენს.

თავის Instagram-ზე ლაზარეიშვილმა Dolce&Gabbana-ს 2018 წლის გაზაფხული-ზაფხულის კოლექცია The Kings of Hearts-ის ჩვენების ვიდეო და ფოტოები გამოქვეყნა, რომელიც მილანში 17 ივნისს გაიმართა.

Публикация от Giga Lazareshvili Official (@giga_lazareshvili) Июн 19 2017 в 12:04 PDT

 

მანამდე ლაზარეიშვილმა სოციალურ ქსელში გამოაქვეყნა სტატუსი, სადაც წერდა, რომ მიუხედავად იმისა, რომ მას ურჩევდნენ დრო არ დაეკარგა, რადგან მილანში ის თავისი გარეგნობით ვერავის გააკვირვებდა, მან ფარ-ხმალი არ დაკარგა და ბოლომდე ბრძოლა გადაწყვიტა.

დემნა გვასალია - Sputnik საქართველო
"მოდის ოსკარი" და მადლობა ბებიას: დემნა გვასალიას ჯილდო გადასცეს

„იმედი არ გადამიწურია. მოკლედ, მე ჩემით მოვახერხე ყველაფერი და მოვხვდი D&G ყურადღების ცენტრში! თუ ვინმეს რამე არ სჯერა ძალიან არ მაინტერესებს… ვამაყობ საკუთარი თავით და ჩემი შესაძლებლობებით. მე ნოემბერში გამოვდივარ D&G ჩვენებაზე, შეხვედრამ ძალიან კარგად ჩაიარა", — დაწერა ლაზარეიშვილმა Facebook-ის საკუთარ გვერდზე.

„მისტერ შარმი", „მისტერ ვალენტინი 2015", „მისტერ სპორტული", „მისტერ ინტერნეტი" — ეს იმ ნომინაციების არასრული სიაა, რომლებშიც ლაზარეიშვილმა გაიმარჯვა.

გიგა ლაზარეიშვილი ბოლნისში 1991 წელს დაიბადა, სასულიერო აკადემიაში ხატწერის ფაკულტეტზე სწავლობს. ამჟამად ლაზარეიშვილმა სწავლაში პაუზა აიღო, რადგან მილანში მსოფლიო ბრენდების სარეკლამო რგოლებში, ფოტოსესიებსა და ჩვენებებზე მონაწილეობის მიღების მიზნით იმყოფება.

ყველა ახალი ამბავი
0