თბილისი, 19 ივნისი — Sputnik. პარიზის პოლიცია ელისეის მინდვრებზე სპეცოპერაციას ატარებს, იუწყება Sputnik France პარიზის პრეფექტურაზე დაყრდნობით.
ელისეის მინდვრებზე ავტომობილი პოლიციის ფურგონს შეეჯახა. შეჯახების შემდეგ მანქანა აალდა, ჟანდარმებმა მასში მჯდომი 33 წლის მამაკაცი დააკავეს.
თავდამსხმელი სპეცსამსახურებისთვის ცნობილი იყო როგორც უსაფრთხოებისთვის პოტენციურად საშიში პირი, მის ავტომობილში ნაპოვნია კალაშნიკოვის ავტომატი, პისტოლეტები და ტყვია-წამალი.#BREAKING: Paris #ChampsElysees cordoned off after car crashes into police van pic.twitter.com/M7rHDYl7ka
— CGTN (@CGTNOfficial) 19 июня 2017 г.
როგორც შინაგან საქმეთა სამინისტროს წარმომადგენელმა აღნიშნა, წინასწარი ინფორმაციით, თავდასხმა განზრახ იყო ჩადენილი. ამჟამად ბოროტმოქმედი მედიკოსების ხელშია, თუმცა, "სავარაუდოდ, ის მკვდარია".
მარინის თეატრის ირგვლივ, სადაც გამნაღმელები მუშაობენ, პოლიციელები უსაფრთხოების პერიმეტრს ქმნიან. თავად თეატრი ევაკუირებულია. პრეფექტურა მოსახლეობას ოპერაციის ჩატარების ადგილზე ყოფნისგან თავის შეკავებას ურჩევს.
