კაპანაძე: თავდაპირველად ჩემთვის ვკერავდი ტანსაცმელს, შემდეგ სხვებიც დაინტერესდნენ
„დაახლოებით 7 წელია, რაც სამოსის დიზაინმა გამიტაცა. თავდაპირველად მხოლოდ ჩემთვის ვიკერავდი ტანსაცმელს, თუმცა შემდეგ სხვა ადამიანებიც დაინტერესდნენ და, აქედან გამომდინარე, გამიჩნდა სურვილი, ჩემი გატაცება შემოსავლის წყაროდ მექცია“, – ამბობს ელენე კაპანაძე.
დიზაინერის თქმით, ამ სფეროს მიმართ დაინტერესება დედის დამსახურებით გაუჩნდა, რომელიც არაჩვეულებრივად კერავს. მისი განცხადებით, პატარაობიდან უყურებდა, როგორ ქმნიდა დედა თავისთვის სამოსს და აღტაცებული იყო ამით.
