თბილისი, 17 ივნისი — Sputnik. ფოთის წისქვილკომბინატში აფეთქება ერთ-ერთი დანადგარის გადახურების გამო მოხდა, იუწყება საინფორმაციო სააგენტო Новости-Грузия საქართველოს საგანგებო სიტუაციების მართვის სააგენტოზე დაყრდნობით.
აფეთქება ფოთში დაახლოებით ერთი საათის წინ მოხდა. ორმა ადამიანმა დამწვრობები მიიღო. ისინი სტაციონარში გადაიყვანეს.
„ჩვენი ინფორმაციით ეს არის ხორბლის გადამუშავების საწარმო. ერთ-ერთი დანადგარი გადახურდა, რამაც ძრავის აფეთქება გამოიწვია. ამის შემდეგ მოხდა ხორბლის მტვერის აალება. აფეთქების შედეგად ჩაიმსხვრა მინები“, — განაცხადა სააგენტოს პრეს-სამსახურის თანამშრომელმა.
ამჟამად ინციდენტის ადგილზე სიტუაცია სტაბილურია.
