შორენა ბეგაშვილი: არავინ თქვას, რომ არ ვარჯიშობს და მაინც კარგ ფორმაშია
„ძალიან მიყვარს ვარჯიში. სახლში მქონდა ტრენაჟორები და სულ ვვარჯიშობდი. შემდეგ, დაახლოებით ერთი წელი ჩავარდნა მქონდა. იმისთვის, ვინც სისტემატურად ვარჯიშობს, ერთი წელი ვარჯიშის გარეშე ძალიან ცუდია. არავინ არ თქვას, რომ არ ვარჯიშობს და მაინც კარგ ფორმაშია“, — ამბობს შორენა ბეგაშვილი.
პოპულარული მსახიობის თქმით, ის დიეტას იშვიათად იცავს. ჭამს ყველაფერს, მხოლოდ მცირე რაოდენობით. მისი განცხადებით, ზოგჯერ ღამის ორ საათზეც წასულა შვილთან ერთად გემრიელი კერძის დასაგემოვნებლად.