თბილისში უკრაინაში მართლმადიდებლების დევნა გააპროტესტეს

ოპოზიციური პარტია "ქართული დასის" ლიდერის ჯონდი ბაღათურიას თქმით, უკრაინაში 40 მართლმადიდებლური ეკლესიაა მიტაცებული.

თბილისი, 12 ივნისი — Sputnik. თბილისში, უკრაინის საელჩოს შენობასთან ორშაბათს ქართული მრევლის წარმომადგენლებმა გამართეს აქცია უკრაინელი ნაციონალისტების ქმედებების წინააღმდეგ, რომლებიც უკრაინაში მართლმადიდებლური რწმენის მიმდევრებს ავიწროებენ, აცნობა "Sputnik-საქართველოს" ოპოზიციური პარტია "ქართული დასის" ლიდერმა ჯონდი ბაღათურიამ.

აქციის მონაწილეები ამტკიცებენ, რომ ბოლო დროს უკრაინაში უხეშად ირღვევა მართლმადიდებელთა უფლებები, რაზეც ქვეყნის ხელისუფლება არანაირად არ რეაგირებს.

"უკრაინაში კანონიკურ და კანონიერ ეკლესიას რუსული მართლმადიდებლური ეკლესია წარმოადგენს. ახლა ნაციონალისტების მხრიდან მათი დევნა მიმდინარეობს. შეიარაღებული ნაციონალისტები არბევენ ეკლესიებს, იქიდან მრევლს აგდებენ და აცხადებენ, რომ ეს ეკლესია მათ ეკუთვნით. უკვე 40 ეკლესიაა დაკავებული", — განაცხადა ბაღათურიამ, რომელიც აქციაზე მივიდა როგორც მართლმადიდებლური რელიგიის წარმომადგენელი.

უკრაინის ხელისუფლება ნაციონალისტების ქმედებების მხარდაჭერას საკანონმდებლო დონეზე აპირებს, აღნიშნა მან.

"უკრაინის რადამ დაიწყო კანონპროექტის განხილვა, რომელიც სამართლებრივ საფუძველს ქმნის იმისთვის, რათა ნაციონალისტებმა ეს ეკლესიები მიისაკუთრონ", — განმარტა ბაღათურიამ.

აქციის მონაწილეებმა რუსულ მართლმადიდებლურ ეკლესიას და მართლმადიდებლური სჯულის ყველა მიმდევარს მხარდაჭერა გამოუცხადეს.

"უკრაინაში სახელმწიფო დონეზე მიმდინარეობს მართლმადიდებლური ეკლესიის დევნა აშშ-ის პოლიტიკის სასარგებლოდ, რადგან ქვეყანაში კანონიკურ ეკლესიას რუსული მართლამდიდებლური ეკლესია წარმოადგენს. უკრაინაში პატრიარქი არ არსებობს. ეს პოლიტიკური საკითხია, რომელიც ცუდად დამთავრდება. თუ ეს უკრაინაში გავა, იგივეს გააკეთებენ საქართველოში. უკრაინის ხელისუფლების უკან დგას აშშ, რომლებსაც ამ ბანდიტურ ქმედებებთან დაკავშირებით არც ერთი განცხადება არ გაუკეთებია", — აღნიშნა ბაღათურიამ.

აქტივისტები უკრაინის ხელისუფლების მისამართით პეტიციის გაგზავნას გეგმავენ მოთხოვნით – რეაგირება მოახდინონ უკრაინაში მართლმადიდებელთა დევნაზე.

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური俄罗斯卫星通讯社中文(简体)ჩინური (გამარტ.)俄罗斯卫星通讯社中文(繁体)ჩინური (ტრად.)
სამხრეთი ამერიკა
BrasilPortuguêsპორტუგალიური