თბილისი, 12 ივნისი — Sputnik. სურსათის ეროვნული სააგენტოს თანამშრომლებმა თბილისში გაურკვეველი წარმომავლობის ერთ ტონაზე მეტი ხორცი ამოიღეს, რომლის ნაწილი ცხენის ხორცი აღმოჩნდა, იუწყება საინფორმაციო სააგენტო Новости-Грузия უწყების თანამშრომელზე დაყრდნობით.
სააგენტოს სპეციალისტებმა შეამოწმეს აგრარული ბაზრები და ხორცპროდუქტების საბითუმო ობიექტები, სადაც გაურკვეველი წარმომავლობის ხორცი აღმოაჩინეს.
"სურსათის სააგენტომ სახელმწიფო კონტროლის ფარგლებში გამოავლინა დარღვევა, რომელიც ეხება საქონლის ხორცს, რომელიც მარკირების გარეშე იყიდება. ამოღებულია ერთ ტონაზე მეტი საქონლის ხორცი, რომელსაც მარკირება არ გააჩნდა. გამოვლენილი ნიშნები მოწმობს, რომ ეს არის როგორც მსხვილფეხა რქოსანი საქონელი, ისე წყვილჩლიქოსნები. ყოველივე ეს ნიშნავს, რომ იგი ცხენის ხორცია", — განაცხადა სურათის ეროვნული სააგენტოს ქალაქის სამსახურის უფროსის მოადგილემ.
გამოვლენილი დარღვევების გამო სამი ობიექტი დაჯარიმდა. ამოღებული ხორცი განადგურდება.