თბილისი, 10 ივნისი – Sputnik. ოზურგეთის რაიონის სოფელ ძიმითში სახლი დაიწვა, იუწყება საზოგადოებრივი მაუწყებლის პირველი არხი.
ცეცხლი, სავარაუდოდ, ელექტროგაყვანილობას გაუჩნდა. სახლი მთლიანად დაიწვა. ხანძრის დროს სახლში ოჯახის ერთი წევრი იმყოფებოდა, რომელიც, საბედნიეროდ, არ დაშავებულა.
ადგილზე გამოძახებული იყო სახანძრო-სამაშველო ბრიგადები. შემთხვევის ადგილზე ასევე მივიდნენ ოზურგეთის ხელისუფლების წარმომადგენლები, რომლებიც დაზარალებულ ოჯახს ფულად დახმარებას დაჰპირდნენ.
