თბილისი, 31 მაისი — Sputnik. ქაბულში, პრეზიდენტის სასახლისა და უცხოური საელჩოების შენობების მიმდებარე ტერიტორიაზე მომხდარი აფეთქებისას დაღუპულთა რაოდენობამ 90-ს მიაღწია, იუწყება საინფორმაციო სააგენტო РИА Новости სააგენტო Pajhwok-ზე დაყრდნობით.
უშიშროების ძალებსა და ჯანდაცვის სტრუქტურებში არსებული წყაროები იუწყებიან, რომ დაჭრილია 380 ადამიანი.
ინციდენტი პრეზიდენტის სასახლისა და უცხოური საელჩოების შენობების მიმდებარე ტერიტორიაზე მოხდა. ბევრი შენობა დაზიანებულია, დამტვრეულია ფანჯრები და კარები.
სააგენტო პოლიციაზე დაყრდნობით იუწყება, რომ გერმანიის საელჩოსთან ახლოს აფეთქდა ავტომობილი, რომელშიც ასაფეთქებელი ნივთიერება იყო მოთავსებული. აფეთქების შედეგად დაზიანდა საინფორმაციო სააგენტო "სინჰუას" ბიუროს შენობა და ინდოეთის საელჩო.
More than 50 vehicles were either destroyed or damaged. @moiafghanistan #kabulblast pic.twitter.com/tYY10OWAXg
— Pajhwok Afghan News (@pajhwok) 31 мая 2017 г.
წინასწარი მონაცემებით, აფეთქდა წყლის გადამზიდავი ავტოცისტერნა, იუწყება ტელეარხი Tolo News ავღანეთის შინაგან საქმეთა სამინისტროზე დაყრდნობით.
აფეთქებისას დაიჭრნენ ირანის ელჩი, იაპონიის საელჩოს ორი თანამშრომელი, გერმანიის საელჩოს რამდენიმე თანამშრომელი და ტელეკომპანია BBC-ს ჟურნალისტები. ტელეარხი Tolo News იუწყება ტელეარხი Tolo TV-სა და მედიაჯგუფ Moby-ს ერთი შტატიანი თანამშრომლის გარდაცვალების შესახებ.
ჯერჯერობით არც ერთ ტერორისტულ დაჯგუფებას აფეთქებაზე პასუხისმგებლობა თავის თავზე არ აუღია.
