თბილისი, 23 მაისი — Sputnik. ავტოგასამართი სადგურები გორთან ახლოს ავტომაგისტრალზე და ბათუმში, ამერიკული ინტერნეტ-გამოცემა Quartz-ის ვერსიით, 2017 წელს საუკეთესო სადგურების ათეულში მოხვდა.
Socar-ის ავტოგასამართმა სადგურმა ბათუმში რეიტინგში მესამე ადგილი დაიკავა. ის შერწყმულია McDonald's-ის შენობასთან.
ბათუმის McDonald's-ის შენობა 2013 წელს აიგო. პროექტის ავტორია გიორგი ხმალაძე კომპანიიდან Khmaladze Architects. შენობას არქიტექტურის გამო არაერთი მსოფლიო ჯილდო აქვს მიღებული.
რაც შეეხება ავტოგასამართ სადგურს გორთან, ის რეიტინგში მეცხრე ადგილზეა. ავტოგასამართი სადგური კომპანია Wissol-ს ეკუთვნის და თავისი უჩვეულო არქიტექტურით არის ცნობილი. პროექტის ავტორია გერმანელი არქიტექტორი იურგენ მაიერი.
რეიტინგში პირველი ადგილი უკავია ავტოგასამართ სადგურს Rest Area Niemenharju ფინეთში, მას მოსდევს POPS Arcadia Route 66 აშშ-ში.