თბილისი, 20 მაისი – Sputnik. ძლიერმა სეტყვამ, რომელიც დაახლოებით 14-20 წუთი გაგრძელდა, გორის რაიონის სოფელ არაშენდასა და ვარიანში ნათესები გაანადგურა, იუწყება ტელეკომპანია Rustavi2.
ძლიერმა წვიმამ და სეტყვამ ასევე ვენახები და ხეხილის ბაღები დააზიანა.
ორი თვის წინ ყინვამ გორის რაიონის სოფლებში მოსავლის დიდი ნაწილი გაანადგურა.
სოფელ სობისში წვიმას ძლიერი ქარი დაერთო, რომელმაც რამდენიმე საცხოვრებელ სახლს სახურავი გადახადა. ამ ეტაპზე აღდგენითი სამუშაოების ჩატარებას ხელმ უამინდობა უშლის.
მოსახლეობა ხელისუფლებისგან დახმარებას ითხოვს.
სინოპტიკოსების პროგნოზით, წვიმები საქართველოში ორშაბათამდე გაგრძელდება.
