მზიანი თბილისი და ღვინის მდინარეები : ფესტივალში ასობით ადამიანმა მიიღო მონაწილეობა

ახალი ღვინის ფესტივალი მთაწმინდაზე
ახალი ღვინის ფესტივალი მთაწმინდაზე - Sputnik საქართველო
გამოწერა
თბილისში გამართულ ფესტივალზე, 2016 წლის მოსავლის ღვინო, ასზე მეტმა დიდმა თუ მცირე მწარმოებელმა გამოიტანა, აქვე იყო ოჯახური ქვევრის ღვინოც.

თბილისი, 14 მაისი-Sputnik. ყოველწლიურმა,  ტრადიციად ქცეულმა  „ახალი ღვინის ფესტივალმა “ მთაწმინდის პარკში თავი მოუყარა მეღვინეებს, უბრალო მოქალაქეებსა და დედაქალაქის სტუმრებს.

ქართული ღვინის ფესტივალი მუდამ ზეიმია, მაგრამ როდესაც ღია ცის ქვეშ, მზიან ამინდში ტარდება, სულ სხვა მასშტაბებს იძენს. ამის დასტურია მთაწმინდისკენ მიმავალ გზაზე მანქანების დიდი რიგი და სტუმართა დიდი რაოდენობა ფუნიკულორზე.

© FB / Минсельхоз Грузииახალი ღვინის ფესტივალი 2017 თბილისში
Фестиваль нового вина 2017 в Тбилиси  - Sputnik საქართველო
ახალი ღვინის ფესტივალი 2017 თბილისში

ფესტივალი, ტრადიციულად ქვევრის მოხდით და დეგუსტაციით  დაიწყო. „ახალი ღვინის ფესტივალის“ ორგანიზატორია  „ღვინის კლუბი“ საქართველოში, მათ გვერდში დაუდგენ სოფლის მეურნეობის სამინისტროს ღვინის ეროვნული სააგენტო, თბილისის მერია და ტურიზმის ეროვნული ადმინისტრაცია.

© FB / Мэрия Тбилиси თბილისის მერი დავით ნარმანია და სხვა სტუმრები ღვინის დეგუსტაციის დროს
Мэр Тбилиси Давид Нармания и другие гости дегустируют вино  - Sputnik საქართველო
თბილისის მერი დავით ნარმანია და სხვა სტუმრები ღვინის დეგუსტაციის დროს

ფესტივალის სტუმრები მთელი დღის მანძილზე  აგემოვნებდნენ 2016 წლის მოსავლის ღვინოს და მათგან უკეთესებს არჩევდნენ. ფესტივალში მონაწილეობა მიიღო 113 დიდმა თუ მცირე კომპანიამ, ღვინის ასოციაციებმა, სახელმწიფო ორგანიზაციებმა და ღვინის ბარებმა. მათ არც ოჯახური, ქვევრის ღვინის მწარმოებლები ჩამორჩენ.

ყველაზე მეტი დასახელების ღვინო კახეთიდან იყო, თუმცა წელს მათ აქტიურობაში დიდად არ  ჩამორჩენ  იმერეთის, ქართლის, რაჭა-ლეჩხუმის, გურიის, აჭარისა და სამცხე —ჯავახეთის მეღვინეები.

ღვინის ეროვნულმა სააგენტომ და ტურიზმის ეროვნულმა ადმინისტრაციამ ჩაატარეს მედია-ტური, რომელშიც მონაწილეობა მიიღეს ღვინის მცოდნეებმა და ღვინის ტურიზმით დაინტერესებულმა პირებმა აშშ-დან, კანადიდან, იტალიიდან, შვეციიდან, ესპანეთიდან და დიდი ბრიტანეთიდან.

© FB / Минсельхоз Грузииდეგუსტაცია "ახალი ღვინის ფესტივალზე" მთაწმინდის პარკში
Дегустация на Фестивале нового вина в парке Мтацминда - Sputnik საქართველო
დეგუსტაცია "ახალი ღვინის ფესტივალზე" მთაწმინდის პარკში

სოფლის მეურნეობის სამინისტროს სამეცნიერო კვლევითი ცენტრის მიერ ცალკე სტენდზე წარმოდგენილი იყო იშვიათი და უნიკალური ჯიშის ღვინოები, რომელიც ჯიღაურის საკვლევ-სადემონსტრაციო ბაზაზე დაიწურა.

საკუთარი პროდუქცია წარმოადგინეს აგრარული უნივერსიტეტის მეღვინეობა- მევენახეობის სტუდენტებმა.

© photo: courtesy of Ministry of Agriculture of Georgiaღვინის მწარმოებელმა სხვადასხვა კომპანიებმა "ახალი ღვინის ფესტივალზე" საკუთარი პროდუქცია წარმოადგინეს
Разные винодельческие компании представили свою продукцию на Фестивале нового вина в Тбилиси  - Sputnik საქართველო
ღვინის მწარმოებელმა სხვადასხვა კომპანიებმა "ახალი ღვინის ფესტივალზე" საკუთარი პროდუქცია წარმოადგინეს

„ახალი ღვინის ფესტივალი“ თბილისში მერვედ ჩატარდა. მისი მთავარი მიზანი ქართული ღვინის პოპულარიზაცია, განათლების დონისა  და სამომხმარებლო კულტურის ამაღლებაა. 

ფესტივალის პარალელურად გაიხსნა ტრადიციული და თანამედროვე  ხელნაკეთების გამოფენა. ფესტივალის სტუმრები  თავად ცდილობდნენ თიხისგან ნაკეთობების გამოძერწვას.


ყველა ახალი ამბავი
0