თბილისი, 12 მაისი — Sputnik. ავსტრალიის ქალაქ სიდნეის ოლიმპიურ პარკში დიდი ხანძარი გაჩნდა. ამ პარკის სტადიონებზე 2000 წელს ოლიმპიური თამაშები ჩატარდა. ამის შესახებ იუწყება საინფორმაციო სააგენტო РИА Новости პორტალ News.com.au–ზე დაყრდნობით.
Sydney Olympic Park fire: Emergency crews tackle huge blaze https://t.co/Ph5xgaTFgo pic.twitter.com/JEAGF55yFP
— Wecelebrity (@Wecelebrity) May 12, 2017
ადგილობრივ სახანძრო სამსახურში შევიდა შეტყობინება პარკში მდებარე Monster Skatepark–ში ხანძრის გაჩენის შესახებ. ერთ–ერთმა თვითმხილველმა განაცხადა, რომ მეზობელი სტადიონის, „ავსტრალიის“ (ANZ Stadium) სახურავზე მყოფი მშენებლები ცეცხლმოდებულ შენობაში შევარდნენ, რათა იქიდან ახალგაზრდები გამოეყვანათ. ახლომდებარე სპორტული ტერიტორიებიდან ადამიანების ევაკუაცია განხორციელდა.
სახანძრო სამსახურის მიერ Twitter–ში განცხადების თანახმად, ადგილზე 80 თანამშრომელი მივიდა. ცეცხლი ჩააქრეს.
პორტალის მონაცემებით, ხანძრის შედეგად ერთი მამაკაცი დაშავდა. სხვა დაშავებულების შესახებ ჯერჯერობით ინფორმაცია არ არის.
