ნინო ჯანჯღავა: ნასამ თავად შესთავაზა ბავშვებს სასწავლო პროგრამა
„ბავშვებმა ათასწლეულის ინოვაციის კონკურსში გაიმარჯვეს და დაჯილდოვდნენ ამერიკაში გამგზავრებით. ჩვენი მოსწავლეები ნასაში ერთი კვირის განმავლობაში იმყოფებოდნენ. იქ ტარდებოდა სხვადასხვა აქტივობები, შეჯიბრებები და ამ შეჯიბრებებში მიიღეს მონაწილეობა, სადაც პირველი და მესამე ადგილები დაიკავეს", — განაცხადა ჯანჯღავამ.
მისი განცხადებით, წინ უამრავი კონკურსია, რომელშიც ბავშვებმა უნდა მიიღონ მონაწილეობა. თუმცა, თვითმიზანი მხოლოდ კონკურსში მონაწილეობა არ არის. როგორც ჯანჯღავამ აღნიშნა, მთავარია ბავშვები შემოქმედებითად მოაზროვნე და კრეატიულ ადამიანებად გაიზარდნონ.
