თბილისი, 11 მაისი — Sputnik. სამეგრელო — ზემო სვანეთის რეგიონში საავტომობილო გზებზე, ინტენსიური წვიმისა და ქვის ცვენის გამო, შეზღუდვები დაწესდა, ნათქვამია საქართველოს ინფრასტრუქტურისა და რეგიონული განვითარების საავტომობილო გზების დეპარტამენტის განცხადებაში.
ინტენსიური წვიმისა და ქვის ცვენის გამო, ზუგდიდი-ჯვარი-მესტია-ლასდილის საავტომობილო გზის კმ183 დაკეტილია, ხოლო დიზი-ლახამულა მონაკვეთზე კმ91-კმ101 ცალმხრივად გახსნილია. მიმდინარეობს გაწმენდითი სამუშაოები.
ტრანსპორტის გადაადგილება ზუგდიდი-ჯვარი-მესტია-ლასდილის საავტომობილო გზის 183 კილომეტრზეა აკრძალული.
გარდა ამისა, ავტომაგისტრალის დიზი-ლახამულას (91-90 კმ) მონაკვეთზე მოძრაობა ცალმხრივია. დილიდან გაწმენდითი სამუშაოები მიმდინარეობს.
