თბილისი, 6 მაისი – Sputnik. უკრაინული წარმოშობის პოპულარული რუსი მსახიობი სტანისლავ ბონდარენკო მაისის დღესასწაულებს საქართველოში მხიარულად ატარებს – ამაზე მეტყველებს სოციალურ ქსელებში გავრცელებული შთამბეჭდავი ფოტოები.
მსახიობი საქართველოში ნაწილობრივ სამუშაოს გამოც არის. ის ჟიურის წევრია ტელეპროექტის „ცეკვავენ ვარსკვლავები“ ტელეკომპანია „იმედზე“.
ამის პარალელურად ბონდარენკო კარგად ერთობა – ესტუმრა მცხეთასა და კახეთს.
ბონდარენკო კახეთში ეწვია სიღნაღს, ლაგოდეხის ჩანჩქერს და ალაზნის ველს. კახეთის შესახებ მსახიობი ამბობს: „ასეთი სილამაზის, სიმაღლისა და განსაკუთრებით ველების ნახვისას ფრენის სურვილი მიჩნდება“.
ბონდარენკოს თან ახლავს ახალი გატაცება – აურელიკა ალიოხინა – მოდელი და მოსკოვის ღამი კლუბის Angelov დამაარსებელი.
ბონდარენკოს თბილისთან უკვე ბევრი რამ აკავშირებს. თბილისში პირველად ის 2016 წელს, საქველმოქმედო მისიით გამოჩნდა – გამოვიდა მძიმედ დაავადებული ბავშვის, მიხეილ სხვიტარიძის დასახმარებლად.
ამის შემდეგ რუსი მსახიობი გახდა ტელეშოუს „ცეკვავენ ვარსკვლავები“ მონაწილე და შემდეგ – გამარჯვებული. პრიზის სახით ბონდარენკომ თბილისში ბინა მიიღო. მაშინ მსახიობმა პირობა დადო, რომ არ გაყიდიდა ბინას და საქართველოს ხშირად ესტუმრებოდა.
