თბილისი, 19 აპრილი — Sputnik. აღდგომის დღეებში, 15–17 აპრილს თბილისის საავადმყოფოებში საკვებითა და ალკოჰოლით მოწამვლის გამო 111 ადამიანი გადაიყვანეს, იუწყება საინფორმაციო სააგენტო Новости-Грузия გადაუდებელი სამედიცინო დახმარების ცენტრის ინფორმაციაზე დაყრდნობით.
საკვებით ინტოქსიკაცია დაუდგინდა 47 პაციენტს, ხოლო ალკოჰოლით – 64–ს.
რეგიონებში მოწამვლის გამო საავადმყოფოებში მოხვდა 35 ადამიანი.
უდიდესი დღესასწაულის – აღდგომის წინ საქართველოს სურსათის ეროვნულმა სააგენტომ მოსახლეობას პროდუქტების ყიდვისას სიფრთხილისკენ მოუწოდა, რადგან დღესასწაულების დროს არაორგანიზებული ვაჭრობის ადგილებში უხარისხო პროდუქტების რეალიზაციის რისკი მატულობს.
უწყებაში აღნიშნეს, რომ ასეთ ადგილებში განსაკუთრებით საშიშია მალეფუჭებადი პროდუქტების – ხორცისა და ხორცპროდუქტების, თევზის, რძისა და რძის პროდუქტების, კვერცხის, საკონდიტრო ნაწარმის შეძენა.
