იერუსალიმში მაცხოვრის საფლავზე წმინდა ცეცხლის გარდამოსვლა უკვე მრავალი ასეული წელია გრძელდება. იხილეთ სააგენტოს Reuters იერუსალიმში გადაღებული წმინდა ცეცხლის გარდამოსვლის კადრები "Sputnik-საქართველოს" ფოტოლენტაში.
წმინდა ცეცხლი (ბერძნული და სომხური ტრადიციების მიხედვით წმინდა შუქი) — ცეცხლი, რომელიც გადმოდის მაცხოვრის საფლავიდან ღვთისმსახურებისას, რომელიც აღდგომის წინა შაბათს ტარდება. სააღდგომო ცეცხლის გარდამოსვლა საფლავიდან "ჭეშმარიტი სინათელს", ანუ იესო ქრისტეს აღდგომის სიმბოლოა.
თვითმხილველთა პირველი წერილობითი მტკიცებულება წმინდა ცეცხლის გარდამოსვლის შესახებ, რომელიც მაცხოვრის საფლავზეა, IX საუკუნეს ეკუთვნის. დღეისათვის ცერემონიას ასრულებენ იერუსალიმის მართლმადიდებლური ეკლესიის მღვდელმსახურები, სომხური მოციქულთა ეკლესიის იერუსალიმის პატრიარქატი, ასევე კოპტებისა და სირიული ეკლესიები.
მსახურების პირდაპირი ტრანსლაცია მიმდინარეობს სომხეთში, საბერძნეთში, უკრაინაში, რუსეთში, ბულგარეთში, საქართველოსა და სხვა ქვეყნებში, ასევე კვიპროსზე, ლიბანსა და ეგვიპტეში. გარდა ამისა, წმინდა ცეცხლი სპეციალური რეისებით იგზავნება საქართველოში, საბერძნეთში, უკრაინაში, რუსეთში, სერბეთში, მოლდოვაში, ბელარუსში, პოლონეთსა და ბულგარეთში. წმინდა ცეცხლს ეგებებიან სახელმწიფო და საეკლესიო ლიდერები.
