თბილისი, 11 აპრილი — Sputnik. ასაფეთქებელი მოწყობილობა ამუშავდა საფეხბურთო კლუბ „დორტმუნდის ბორუსიას“ ავტობუსის მახლობლად სამშაბათს, გამოცემა Bild —ზე დაყრდნობით იტყობინება საინფორმაციო სააგენტო РИА Новости.
გაზეთის ინფორმაციით, დაჭრილია ერთი ადამიანი — ფეხბურთელი მარკ ბარტრა.
ამ დროისათვის პოლიცია მომხდარის გარემოებებს იკვლევს.
Bild-ის ინფორმაციით, სამი აფეთქება მოხდა მაშინ, როდესაც ავტობუსი დორტმუნდის სტადიონიდან 10 კილომეტრის მოშორებით, გზის პირას იდგა. ავტობუსის შუშები ჩაიმსხვრა.
აფეთქების ფაქტი დაადასტურეს პოლიციაში და გუნდშიც. „ბორუსიის“ Twitter-ზე განთავსებული ცნობის თანახმად, მოთამაშეები უსაფრთხოდ არიან, არანაირი საფრთხე სტადიონზე და მის მახლობლად არ არის, ადგილზე პოლიციის ძალებია მობილიზებული.
