ბათუმის ბულვარში ველომარათონი გაიმართა, სადაც ასზე მეტმა ადამიანმა მიიღო მონაწილეობა. იხილეთ "Sputnik–საქართველოს" ვიდეო, თუ როგორ მიმდინარეობდა მასშტაბური სპორტული აქცია.
გაზაფხულის ველომარათონის დროს მისმა მონაწილეებმა ბათუმის ბულვარის 6 კილომეტრი დაფარეს.
ბათუმის მერიის სპორტული ცენტრის მიერ ორგანიზებული აქციის დასრულების შემდეგ მარათონის საუკეთესო მონაწილეები დასაჩუქრდნენ.
მამაკაცებში პირველი ადგილი დაიკავა გიორგი სულათოღლუმ, ქალებს შორის — ალინა მუსაევამ. საჩუქრები ასევე მიიღეს იოსებ არობელიძემ — როგორც სპორტული აქციის ყველაზე უფროსმა მონაწილემ და მირონ შევჩენკომ — როგორც ყველაზე უმცროსმა მონაწილემ.
