თბილისი, 9 აპრილი — Sputnik. ეგვიპტეს ქალაქ ალექსანდრიაში ეკლესიის შესასვლელთან თვითმკვლელმა-ტერორისტმა თავი აიფეთქა, იუწყება საინფორმაციო სააგენტო РИА Новости ეგვიპტეს ტელარხ ONTV-ზე დაყრდნობით.
აფეთქებას 11 ადამიანი ემსხვერპლა, მათ შორის, სამი პოლიციელი. გავრცელებული ინფორმაციით, პოლიციის ოფიცერმა თვითმკვლელი შეაჩერა და ის ეკლესიის შესასვლელთან აფეთქდა. წინააღმდეგ შემთხვევაში, მსხვერპლი გაცილებით დიდი იქნებოდა. At least 21 worshippers killed in blast at church of St. George in #Egypt's #Tanta on Palm Day
— Mete Sohtaoğlu (@metesohtaoglu) 9 апреля 2017 г.
მედიის ინფორმაციით, ეკლესიაში შეიძლება ყოფილიყო კოპტური ეკლესიის პატრიარქი თეოდორე მეორე, მაგრამ ის არ დაშავებულა.
მანამდე ერთი ასაფეთქებელი მოწყობილობა გარბიას პროვინციაში ქალაქ ტანტაში მდებარე კოპტურ ეკლესიაში „მარ გირგისში“ ამოქმედდა. მასმედიის ინფორმაციით, ამ აფეთქებისას დაიღუპა 30 ადამიანი, 50-დან 70-მდე კი დაჭრილია.
