ეკა თევზაძე: საღამოზე გოგი დოლიძე ჩემს სიმღერას ეკრანიდან გვიმღერებს
„ჩემი პირველი შემოქმედებითი საღამო ზუსტად 20 წლის წინ ჩატარდა. მას შემდეგ კონცერტებიც მქონდა, მაგრამ ასეთი ფართო მასშტაბის არ მქონია,“- განუცხადა „Sputnik- საქართველოს” ეკა თევზაძემ.
ეკა თევზაძე —კომპოზიტორი, ბავშვებს ხელოვნების გიმნაზიაში და სტუდია „ბასტი-ბუბუში" სიმღერას ასწავლის. სიმღერებს ბავშვობიდან წერს. მის შემოქმედებაში წარუშლელი კვალი დატოვა მომღერალმა გოგი დოლიძემ, რომელთანაც 21 წლის ასაკიდან ნაყოფიერი შემოქმედებითი ურთიერთობა აკავშირებს.