საქართველოში კომპანიების საექსპორტო კატალოგი შეიქმნა

 თბილისი, 7 აპრილი — Sputnik. მოძრაობა KAR.GE-მ  იმ ქართული კომპანიების კატალოგი შექმნა, რომელთა პროდუქციის რეალიზება უცხოეთში უკვე ხდება ან  მოთხოვნის არსებობის შემთხვევაში, ნაწარმის მიწოდება დაუყოვნებლივ შეუძლია,  - განაცხადა „Sputnik საქართველოს“-თან მოძრაობის დამფუძნებელმა ტარიელ ზივზივაძემ. 

„კატალოგში 54 რჩეული ქართული კომპანიის 65 ბრენდი და 389 ნაწარმია თავმოყრილი. ეს არის ქართულ-ინგლისური ბეჭდური და ინტერნეტ-გამოცემა, რომელშიც შეტანილია 509 ჩანაწერი  შესაბამისი ფოტოებით, აღწერილობებით და საკონტაქტო ინფორმაციით, “ — აღნიშნა ტარიელ ზივზივაძემ.  

"KAR.GE საექსპორტო კატალოგი 2017"-ის ბეჭდური ვერსია წელიწადში ერთხელ გამოიცემა.  http://kar.ge —ზე განთავსებულ ინტერნეტ ვერსიას კი მუდმივად დაემატება ახალი ჩანაწერები და მისი ჩამოტვირთვა უფასო იქნება. 

მოძრაობა KAR.GE  საზოგადოებრივი ორგანიზაციაა, რომლის მისიაა ქართული ხარისხიანი ნაწარმის ცნობადობის, გაყიდვებისა და ექსპორტის ზრდა.

ნატა პატარაია