ნანიკო ხაზარაძე: საზღვარგარეთ მუშაობა კარგი გამცდილებაა
„პირველად უნგრეთი მოვინახულე. გასტროლებზე ვიყავი. ბევრ ქალაქში მომიწია ყოფნა. ძალიან აღფრთოვანებული დავბრუნდი, რადგან მაშინ ჯერ კიდევ საბჭოთა კავშირის დრო იყო, ჩაკეტილი იყო საზღვრები, უჭირდა ხალხს ევროპის ქვეყნებში გასვლა", — ამბობს ხაზარაძე.
მისი თქმით, ძალიან სასიამოვნო განცდაა, როცა სამსახურიდან უწევს საზღვარგარეთ გამგზავრება. ამ დროს ურთიერთობა აქვს კოლეგებთან, რომელიც სხვა ენაზე მეტყველებენ, სხვა კულტურა აქვთ და სხვა რეჟიმით ცხოვრობენ.
მოგზაურობა ყველაზე მეტად შვილთან ერთად ანიჭებს ბედნიერებას. დიდი სურვილი აქვს ხშირად იმოგზაუროს მასთან ერთად და ბევრ სიახლეს ეზიაროს.
