ნატოს წევრ ქვეყნებს „ისკანდერების“ კალინინგრადში განთავსება სახიფათოდ მიაჩნიათ

გამოწერა
რუსეთის საგარეო საქმეთა ევროპული თანამშრომლობის დეპარტამენტის დირექტორ ანდრეი კელინის თქმით, მოსკოვი ვალდებული არ არის, ნატო-ს ანგარიში ჩააბაროს.

თბილისი, 3 აპრილი — Sputnik. ნატოს წევრი ქვეყნები მიიჩნევენ, რომ რუსეთის სარაკეტო კომპლექს „ისკანდერების“ განთავსება კალინინგრადის ოლქში, საფრთხეს უქმნის მათ უსაფრთხოებას, განაცხადა ნატო-ს გენერალური მდივნის მოადგილე როუზ გეტემიულერმა გაზეთ „კომერსანტისთვის“ მიცემულ ინტერვიუში, იუწყება საინფორმაციო სააგენტო РИА Новости.

Eurofighter Typhoon-ის გამანადგურებელები - Sputnik საქართველო
ნატოს გამანადგურებლები ესტონეთის თავზე საწვრთნელ ფრენებს ყოველდღე განახორციელებენ

მანამდე რუსეთის საგარეო საქმეთა ევროპული თანამშრომლობის დეპარტამენტის დირექტორმა ანდრეი კელინმა განაცხადა, რომ მოსკოვი ვალდებული არ არის, ნატო-ს ანგარიში ჩააბაროს კალინინგრადში „ისკანდერების“ განთავსებასთან დაკავშირებით.

„არავინ დავობს იმაზე, რომ კალინინგრადის ოლქი რუსეთის ტერიტორიაა. მაგრამ სარაკეტო კომპლექს „ისკანდერის“ განთავსება — ეს მილიტარიზაციისა და კონტროლის გაძლიერების ტენდენციაზე მეტყველებს. ალიანსის წევრი რუსეთის მეზობელი ქვეყნები ამას საკუთარი უსაფრთხოებისთვის საშიშროებად მიიჩნევენ“, — განაცხადა გეტემიულერმა.

შეგახსენებთ: რუსეთის მხრიდან არსებულ საფრთხეებზე ბალტიისპირეთის ქვეყნებსა და პოლონეთს წარსულშიც არაერთხელ განუცხადებიათ, თუმცა მოსკოვი გამუდმებით უსვამდა ხაზს, რომ რუსეთი არასდროს დაესხმება თავს ნატო-ს წევრ ქვეყნებს.

რუსეთის საგარეო საქმეთა მინისტრ სერგეი ლავროვის თქმით, ნატო-ს მშვენივრად მოეხსენება, რომ მოსკოვს გეგმაში არ აქვს რომელიმე ქვეყანაზე თავდასხმა. ალიანსი უბრალოდ საბაბად იყენებს ამ თემას იმისთვის, რომ რუსეთის საზღვრებთან კიდევ მეტი ტექნიკა და საჯარისო ნაწილები განათავსოს.

ყველა ახალი ამბავი
0