ორმოც წელს გადაცილებულებს კარგად ემახსოვრებათ და დაგვეთანხმებიან კიდეც, რომ უცნაური აკრძალვებით საქართველოს სკოლებიც გვარიანად მდიდარი იყო საბჭოთა ეპოქაში.
რაც საკუთარი მოწაფეობიდან მახსოვს, უცნაურობებიდან აკრძალული გვქონდა: საათის ტარება (აღარაფერს ვამბობ ნებისმიერი სახის სამკაულზე, თუნდაც კაბის შიგნით მოქცეულ ჯვრიან ძეწკვზე — ამის გამო შეიძლება სკოლიდან გარიცხვისთვისაც გამოგეკრა ხელი), ოდნავ მაღალქუსლიანი ფეხსაცმელი, ბიჭებს — გრძელი თმა, გოგონებს — მოკლე, ჩანთებზე სუვენირ-სამშვენისების დაკიდება, ერთი წვეთი სუნამოს მიპკურებაც კი (ფრჩხილის ლაქზე ოცნებაც არ შეიძლებოდა), ფერადი ბაფთა (აუცილებლად თეთრი უნდა ყოფილიყო) და ბევრი, ბევრი სხვა.
ხომ მართლაც უცნაურია? მაგრამ ეს ყველაფერი იმასთან, რაც დღეს იკრძალება მსოფლიოს სხვადასხვა ქვეყნის სკოლებში, თურმე, ახლოსაც ვერ მივა.
აი, მაგალითად:
