თბილისი, 30 მარტი — Sputnik. არგენტინის რაგბის კავშირმა ოფიციალურად განაცხადა, რომ საქართველო-არგენტინის ნაკრებებს შორის ტესტ-მატჩი 24 ივნისს ქალაქ სან სალვადორ დე ხუხუიში ჩატარდება, ნათქვამია ორგანიზაციის ვებ-გვერდზე.
თამაში „ესტადიო დე ხიმნასიას" სტადიონზე გაიმართება, რომელსაც რესტავრირება ფეხბურთში სამხრეთ ამერიკის თასის წინ, 2011 წელს ჩაუტარდა.
ის, რომ გუნდების შეხვედრა სწორედ ამ ქალაქში გაიმართებოდა, ცნობილი გასული კვირის ნოემბერში გახდა. თუმცა, ოფიციალური გადაწყვეტილება ახლა მიიღეს.
„ამ ქალაქში მატჩის გამართვის სურვილი სპორტის ფარგლებს სცდება. მატჩის პირდაპირი ტრანსლირება მოხდება და ჩვენ ძალიან გვსურს, რომ მსოფლიოს ვაჩვენოთ სან სალვადორ დე ხუხუი. ეჭვიც არ გვეპარება, რომ ეს მატჩი მედიის დიდ ყურადღებას დაიმსახურებს", — აღნიშნა არგენტინის რაგბის კავშირის ვიცე-პრეზიდენტმა ანდრეს ჩავანმა,
საქართველოს რაგბის ნაკრები არგენტინის გუნდს ოთხჯერ შეხვდა და ოთხივეჯერ დამარცხება იგემა. ბოლო შეხვედრა 2015 წლის მსოფლიო თასებზე შედგა და „ლოს პუმასის" წარმატებით (54:9) დასრულდა.
