ვინ უნდა აუნაზღაუროს „ბავშვთა სამყაროს“ მოვაჭრეებს ზარალი

„სახელმწიფოს ვერავინ ვერ დაავალდებულებს, დაზარალებულ მოვაჭრეებს კომპენსაცია გადაუხადოს, რადგან სახელმწიფო აქ არაფერ შუაშია, დაზარალებულები დამოუკიდებელი მეწარმეები არიან”, —  განუცხადა  „Sputnik საქართველოს“ ირაკლი თედორაძემ.

ხანძარი სავაჭრო ცენტრ „ბავშვთა სამყაროს“ შენობაში, სადაც „ოქროს სამყარო“ და საბითუმო ბაზრობა იყო განთავსებული, 30 იანვარს, გვიან ღამით გაჩნდა. დაზარალებული მოვაჭრეები საპროტესტო აქციებს პერმანენტულად მართავენ. ისინი უკმაყოფილებას გამოთქვამენ იმასთან დაკავშირებით, რომ ხელისუფლება მათ კომპენსაციებს არ უხდის და დაზარალებულის სტატუსს არ ანიჭებს. გარდა ამისა, ისინი კრედიტის შეჩერების საკითხზე ბანკებთან შუამავლობას ითხოვენ.