თბილისი, 19 მარტი — Sputnik. ცნობილი ამერიკელი მომღერალი და სიმღერების ავტორი, როკ-ნ-როლის ერთ-ერთი ფუძემდებელი ჩაკ ბერი შაბათს სენტ-ჩარლზის საგრაფოში მდებარე საკუთარ სახლში გარდაიცვალა, იუწყება Sputnik International ადგილობრივ პოლიციაზე დაყრდნობით.
ჩაკ ბერი ავტორია ისეთი ჰიტებისა, როგორებიცაა: Roll Over Beethoven და Maybellene.
პოლიციის განცხადებით, სასწრაფო დახმარებამ მყის ირეაგირა გამოძახებაზე, მაგრამ ადგილზე მისულებს ბერი უგონოდ დახვდათ და მომღერლის მდგომარეობიდან გამოყვანა აღარ მოხერხდა.
„სენტ-ჩარლზის საგრაფოს პოლიცია მწუხარებით ადასტურებს ჩარლზ ედვარდ ანდერსონ ბერი-უფროსის გარდაცვალებას, რომელიც ცნობილია როგორც ლეგენდარული მუსიკოსი ჩაკ ბერი“, — დაწერა პოლიციის განყოფილებამ საკუთარ ფეისბუქგვერდზე.
ჩაკ ბერი 90 წლისა იყო.
