ნამდვილი ბრძოლა, უამრავი დაძაბული მომენტი და დამსახურებული გამარჯვება – კვირას რაგბის მოყვარულებისთვის სპორტული დღესასწაული შედგა. იხილეთ "Sputnik-საქართველოს" ფოტოკადრები, თუ როგორ მიმდინარეობდა მატჩი საქართველოსა და რუსეთის ნაკრებებს შორის.
საქართველოსა და რუსეთის ნაკრებების მატჩზე, ტრადიციულად, ტრიბუნები გადავსებული იყო. ორი გუნდის ბოლო შეხვედრა არ ყოფილა გამონაკლისი — "დინამო არენაზე" მაყურებელმა არსებული 55 ათასი ადგილი მთლიანად შეავსო.
ქართველი გულშემატკივრები აქტიურად უჭერდნენ მხარს საკუთარ გუნდს და მატჩის შემდეგ გახარებულებიც წავიდნენ — ბორჯღალოსნებმა რუსეთის ნაკრები დაამარცხა ანგარიშით 28:14. ევროპის ერთა თასის ფარგლებში მომდევნო თამაში საქართველოს ნაკრებს რუმინეთთან მოუწევს, ხოლო რუსეთის ნაკრები გერმანიის გუნდს დაუპირისპირდება. საქართველოს ნაკრებს აქამდე ჩატარებული ყველა თამაში მოგებული აქვს, რუსეთის ნაკრებმა კი მხოლოდ ბელგიასთან გამართულ მატჩში მოიპოვა გამარჯვება.
