თბილისი, 13 მარტი — Sputnik. თბილისში მომხდარ ავტოსაგზაო შემთხვევას ერთი ადამიანი ემსხვერპლა, იუწყება საინფორმაციო სააგენტო Новости-Грузия საქართველოს შინაგან საქმეთა სამინისტროს პრეს-სამსახურზე დაყრდნობით.
ინციდენტი ორშაბათს აღმაშენებლის ხეივანზე მოხდა.
„ავტომობილი ხიდიდან გზის სავალ ნაწილზე გადავარდა. დაიღუპა ერთი ადამიანი, სხვა დაშავებულები არ არიან. მიმდინარეობს გამოძიება“, — განაცხადა შსს-ს პრეს-სამსახურის წარმომადგენელმა.
ფაქტზე აღძრულია სისხლის სამართლის საქმე სსკ-ის მუხლით „სატრანსპორტო საშუალების ექსპლუატაციის ან უსაფრთხოების წესის დარღვევა, რამაც გამოიწვია ადამიანის სიცოცხლის მოსპობა“.
