თბილისი, 3 მარტი — Sputnik. შსს-ს რეგიონული დანაყოფების ხელმძღვანელებმა, თავიანთ თანამშრომელ ქალბატონებს დედის დღე მიულოცეს და თაიგულები გადასცეს, ნათქვამია სამინისტროს ვებ-გვერდზე გამოქვეყნებულ განცხადებაში.
შსს-ს საპატრულო პოლიციის დეპარტამენტის დირექტორმა გოგა რაზმაძემ, საპატრულო პოლიციის თანამშრომელს, მრავალშვილიან დედას — ეკატერინე ერაძეს, სამსახურებრივი მოვალეობის შესრულებისას, დედის დღე 3 მარტის ღამეს პირადად მიულოცა.
„დიდი ბედნიერებაა, როდესაც ადამიანს სამი შვილი ჰყავს, და ძალიან დიდი პასუხისმგებლობაა, როდესაც სხვა ბავშვების უსაფრთხოებასა და მშვიდ ძილზე ზრუნავ. ეკა, დიდ წარმატებასა და ბედნიერებას გისურვებთ!“, — მიულოცა რაზმაძემ მას დედის დღე და ყვავილების თაიგული აჩუქა.
როგორც მან განაცხადა, მინისტრ გიორგი მღებრიშვილის გადაწყვეტილებით, საპატრულო პოლიციის თანამშრომელი ქალები 3 მარტს დაისვენებენ.
