ალექსანდრე ჯეჯელავა: პარალელურ რეჟიმში სწავლა და შრომა ძალიან ეფექტურია
„ძალიან ბევრი საკითხია ამ სფეროში. მაგრამ შევეცდები ყველაზე კრიტიკულ საკითხებზე გავამახვილო ყურადღება. პირველ რიგში ჩვენი ამოცანაა განათლების სისტემისა და შრომის ბაზრის დაახლოება“, განაცხადა ჯეჯელავამ.
როგორც მინისტრმა აღნიშნა, საქართველოში ერთდროულად არის უმუშევრობა და კადრების დეფიციტი შრომის ბაზარზე. მისივე თქმით სამინისტროს ამოცანაა, ახალგაზრდებმა პროფესიის შერჩევისას არ გამოიყენონ ფსევდო პრესტიჟი და უპირატესობა მიანიჭონ დასაქმების მოკლე და ეფექტურ გზებს.