პეტროვი: წვრილ მარგალიტებს რუსული და ქართული ხატების შესამკობად იყენებდნენ
„კოლექციაში მაქვს შავი, თეთრი, ვარდისფერი მარგალიტი, მარჯანი. ძირითადად, მარგალიტებს ბუნებაში პოულობდა ადამიანი, დღეს ხელოვნურად ზრდიან. არსებობს მთელი რიგი სამუშაოები, რის შედეგადაც ხელოვნურად იღებენ კულტივირებულ მარგალიტს“, — ამბობს პეტროვი.
ვალერი პეტროვი კერძო კოლექციონერია. ნიჟარებით 10 წლის ასაკში დაინტერესდა და მას შემდეგ დედამიწაზე გავრცელებულ 900 სახეობის უიშვიათეს მოლუსკებს ერთ პატარა ოთახში მოუყარა თავი. მის კოლექციაში მრავლად ნახავთ ნიჟარებს, მარგალიტებს და მარგალიტებისგან დამზადებულ ულამაზეს ნივთებს.
