თბილისი, 26 თებერვალი – Sputnik. გარემოს ეროვნული სააგენტოს ინფორმაციით, დღეს ზღვაზე 3-4 ბალიანი შტორმია მოსალოდნელი, ნათქვამია უწყების Facebook-გვერდზე.
საქართველოში, უმეტესად ქვეყნის დასავლეთ ნაწილში მოსალოდნელია წვიმა, მაღალმთაში თოვლი, შესაძლებელია ქარბუქი და თოვლის ზვავები.
”იქროლებს დასავლეთის მიმართულების ძლიერი ქარი. დასავლეთ საქართველოს მდინარეებზე შესაძლებელია წყლის დონის მნიშვნელოვანი მატება. ზღვაზე 3-4 ბალიანი შტორმი”, — ნათქვამია განცხადებაში.
