კუკავა: არ შეიძლება პრემიერ- მინისტრი უშიშროების საბჭოს ხელმძღვანელობდეს
„ის, რომ უშიშროების საბჭოს ხელმძღვანელობდეს ქვეყნის პრემიერ-მინისტრი, ეს აბსურდია, რადგან ის ისედაც ხელმძღვანელობს მინისტრთა კაბინეტს“, — მიაჩნია კახა კუკავას.
პრეზიდენტის სათათბირო ორგანოს — ეროვნული უშიშროების საბჭოს გარდა, პრემიერ-მინისტრის დაქვემდებარებაში შექმნილია სახელმწიფო უსაფრთხოებისა და კრიზისების მართვის საბჭო. საზოგადოების ნაწილის შეფასებით, ამ ორი ორგანოს ფუნქციები, ფაქტობრივად, დუბლირებულია, რაც მათი კრიტიკის საფუძველს წარმოადგენს. პარლამენტის ვიცე-სპიკერ გიორგი ვოლსკის განცხადებით, სახელმწიფოში უნდა იყოს მაქსიმალური კოორდინაცია და არ უნდა შევქმნათ ორი ერთნაირწონიანი სტრუქტურა, რომლებსაც ამბიცია ექნებათ, ერთმანეთს გადაასწრონ მმართველობისა და ბერკეტების გამოყენების საქმეებში.
