თბილისი, 22 თებერვალი – Sputnik. 22 თებერვლიდან 6 მარტის ჩათვლით კახეთის გზატკეცილზე, აეროპორტიდან თბილისის მიმართულებით საავტომობილო მოძრაობა გადაიკეტება, ნათქვამია თბილისის მერიის პრეს-სამსახურის მიერ გავრცელებულ განცხადებაში.
„საგზაო სამუშაოების გამო მიმდინარე წლის 22 თებერვლის 12:00 საათიდან 6 მარტის ჩათვლით საავტომობილო მოძრაობა გადაიკეტება კახეთის გზატკეცილზე, აეროპორტიდან თბილისის მიმართულებით (ორხევის ხიდებიდან „ისთ ფოინთამდე”)“, — აღნიშნულია განცხადებაში.
განცხადებაში ასევე ნათქვამია, რომ საავტომობილო საშუალებებისთვის აღნიშნული მიმართულებით გადაადგილება შესაძლებელი იქნება კახეთის გზატკეცილის დამხმარე ზოლის მეშვეობით.
