თბილისი, 15 თებერვალი — Sputnik. აშშ-ის მოქალაქე, რომელიც უზბეკეთში ტერორიზმისთვის დაუსწრებლად გაასამართლეს, ბათუმის საერთაშორისო აეროპორტში დააკავეს, აღნიშნულია საქართველოს შსს-ს ვებ-გვერდზე განთავსებულ განცხადებაში.
1978 წელს დაბადებული ამერიკელი ტაშკენტის მოთხოვნით ინტერპოლით იძებნებოდა. ის დამნაშავედ სცნეს უზბეკეთის სისხლის სამართლის კოდექსის რამდენიმე მუხლით – „ტერორიზმი“, „კრიმინალური ორგანიზაციის შექმნა“, „დივერსიული თავდასხმა“, „საბრძოლო მასალის უკანონო ამოღება“.
ამჟამად აშშ-ის მოქალაქის უზბეკეთში ექსტრადიციისთვის აუცილებელი პროცედურები მიმდინარეობს.