ქეთი უბილავა: ბევრი სირთულე იყო დასაწყისში, მაგრამ გვჯეროდა საკუთარი თავის
„საზოგადოებამ „ბეგელსი“ დადებითად მიიღო. თავიდან, სანამ პროდუქტი მზად იქნებოდა, ყველას უკვირდა და აინტერესებდა, თუ როგორი იქნებოდა ჩანთა ხის ფაქტურით. ამიტომ ბაზარზე გასვლამდე უკვე გარკვეული მოლოდინი იყო შექმნილი“, — ამბობს უბილავა.
ქეთი უბილავა ახალგაზრდა მეწარმეა. მან მეგობართან ნათია მგელაძესთან ერთად დაიწყო ჩანთების დამზადება ხის მასალის გამოყენებით. მისი თქმით, ამ სფეროში კიდევ უფრო გაიზარდა კონკურენცია, ამიტომ ცდილობენ, არ მოდუნდნენ და საინტერესო სიახლეები შესთავაზონ მომხმარებლებს.
