თბილისი, 13 თებერვალი — Sputnik. Sputnik-ის ფოტოკორესპონდენტმა ვლადიმირ მელნიკოვმა მსოფლიოში ერთ-ერთ ყველაზე პრესტიჟულ კონკურსში World Press Photo 2016 პირველი ადგილი დაიკავა. ფოტოსურათების სერიას, რომელმაც მას გამარჯვება მოუტანა ნომინაციაში „გრძელვადიანი პროექტი“, ეწოდება „უკრაინის შავი დღეები“ (Black Days of Ukrainе) და უკრაინის სამხრეთ-აღმოსავლეთში სამხედრო დაპირისპირების დროს დონბასის მშვიდობიანი მოსახლეობის ცხოვრებაზე მოგვითხრობს.
Sputnik-ის სპეციალური ფოტოკორესპონდენტი ვლადიმირ მელნიკოვი: „კამერის ობიექტივის მეშვეობით ვცდილობდი მოვლენების მთელი საშინელება გადმომეცა. ორმაგ გრძნობას განვიცდი — უსაზღვროდ მოხარული ვარ ჩემი, როგორც ჟურნალისტისა და პროფესიონალის ასეთი აღიარებისა, ამავე დროს გულწრფელად მეცოდებიან ადამიანები და მშვიდობიანი მცხოვრებლები, რომელთაც უბედურება ეწვია. სამხედრო კონფლიქტებისა და ტრაგედიების გაშუქება ფოტოგრაფიის საშუალებებით — ეს მნიშვნელოვანი სამუშაოა, რომელსაც ყოველწლიურად უამრავი ჟურნალისტი მთელ მსოფლიოში აკეთებს და ხშირად საკუთარ სიცოცხლეს რისკის ქვეშ აყენებს“.
World Press Photo - ფოტოჟურნალისტიკის ყველაზე ავტორიტეტული საერთაშორისო ყოველწლიური დათვალიერებაა, რომელიც პროფესიის სტანდარტებს ბევრად განსაზღვრავს. World Press Photo-ს პრიზის მიღება ნებისმიერი ფოტორეპორტიორისთვის ისევე პრესტიჟულია, როგორც მსახიობისთვის „ოსკარის“ მიღება. 2016 წლის კონკურსში გამარჯვებისთვის 125 ქვეყნიდან 5030-ზე მეტი ფოტოგრაფი იბრძოდა, ხოლო ფოტოგრაფების საერთო რაოდენობამ 80 000-ს გადააჭარბა. ჟიურის წევრებმა გამარჯვებულად 25 ქვეყნის 45 ფოტოგრაფი დაასახელეს.
Sputnik Images – საერთაშორისო საინფორმაციო სააგენტო და რადიო Sputnik-ის ფოტობანკია, რომელიც მულტიმედიური საინფორმაციო ჰაბები ათობით ქვეყანაშია წარმოდგენილი.
Sputnik-ი მოიცავს ვებ-გვერდებს, ანალოგურ და ციფრულ რადიო-მაუწყებლობას, მობილურ პროგრამებსა და გვერდებს სოციალურ ქსელებში. Sputnik-ის ახალი ამბების ლენტები მომხმარებლისთვის სადღეღამისო რეჟიმში გამოდის ინგლისურ, არაბულ, ესპანურ და ჩინურ ენებზე. Sputnik-ის ვებ-გვერდები მკითხველს სთავაზობს მრავალფეროვან მულტიმედიურ კონტენტს — ინფოგრაფიკას, ვიდეოებს, ფოტორეპორტაჟებს, ცოცხალ ეთერსა და ინტერნეტ-გამოკითხვებს.
