ჯაჯანიძე: შეყვარებული ვარ და ეს ძალიან მაბედნიერებს
„რაც კაცობრიობა გაჩნდა დედამიწაზე, მას შემდეგ იკვლევენ, მაგრამ ვერ დაადგინეს, რა არის სიყვარული. ყველა ადამიანი არის ინდივიდუალური, ყველას თავისებურად ესმის სიყვარულის მცნება, გამონაკლისი არც მე ვარ“, — ამბობს ჯაჯანიძე.
გია ჯაჯანიძე ფართო საზოგადოებამ გადაცემა „მზესუმზირების“ საშუალებით გაიცნო, რომელიც ტელეკომპანია „მზეზე“ გადიოდა. ტელეწამყვანი ყოველთვის ექსტრავაგანტულობითა და არაორდინალურობით გამოირჩევა. ამჟამად გია ჯაჯანიძე ტელეკომპანია „იმედის“ ერთ-ერთი პოპულარული პროექტის წამყვანია.
