თბილისი, 9 თებერვალი — Sputnik. საქართველოს კათოლიკოს–პატრიარქს ილია მეორეს, რომელიც გერმანიაში იმყოფება, 13 თებერვალს ოპერაცია ჩაუტარდება, იუწყება საქართველოს საზოგადოებრივი მაუწყებლის პირველი არხი საპატრიარქოს ვებგვერდზე დაყრდნობით.
საქართველოს მართლმადიდებლური ეკლესიის მეთაური გასულ კვირას გერმანიაში სამკურნალოდ გაემგზავრა.
ქართული მართლმადიდებლური ეკლესიის მეთაურმა წლის ბოლოს ვირუსული ინფექცია გადაიტანა, რომელმაც ნაღვლის ბუშტის ანთება გამოიწვია. იმ დროს კათოლიკოს–პატრიარქმა გერმანიაში სამკურნალოდ წასვლაზე უარი განაცხადა და ის გერმანიიდან სპეციალურად მოწვეულმა ექიმმა გასინჯა.
