თბილისი, 8 თებერვალი — Sputnik. გორში 51 წლის მამაკაცი დანით მოკლეს, იუწყება საინფორმაციო სააგენტო Новости-Грузия შინაგან საქმეთა სამინისტროს პრეს-სამსახურზე დაყრდნობით.
ინციდენტი გუშინ, გვიან ღამით შინდისის გზატკეცილზე, ე.წ. უსინათლოების ბინასთან მოხდა. შსს-ს ცნობით, მოკლულსა და მის ნაცნობს შორის ყოფით ნიადაგზე კონფლიქტი მოხდა.
მკვლელობაში ეჭვმიტანილის ვინაობა დადგენილია და მის დასაკავებლად შესაბამისი მუშაობა მიმდინარეობს.
სისხლის სამართლის საქმე აღძრულია სსკ-ის მუხლით „განზრახ მკვლელობა“, რაც 7-დან 15 წლამდე პატიმრობას ითვალისწინებს.
